Wo subah... aur mere paas sirf 5-7 minute bache the. Divya ne ek din pehle hi samjhaya tha ki tumhe pick karte hue aana hai, par main thoda late utha. Station ki taraf bhagte hue bas yahi darr tha ki train chhut jayegi. Par jab us dabbe mein chadha aur tumhe baithe dekha, toh saari hadbadi ek pal mein theher gayi. Us waqt mujhe mila bas ek... Sukoon ✨

Mujhe pata hai tumhara nature thoda shant hai. Bijli vibhag ke us office mein, jab kaam nahi hota, tumhara chupchaap baith kar kitabein padhna, ya reels scroll karte hue akele muskurana... ye saari baatein bahut pyari hain. Tumhe kisi saj-sajawat ki zaroorat nahi. Tumhari is khamoshi aur saadgi mein ek alag hi... Noor ✨

Main jaanta hoon ki logon par bharosa karna tumhare liye aasaan nahi hai. Aetbaar waqt mangta hai. Par main yahin hoon. Tumhare dil ke har ek 'pointer' par, har ek kasauti par main perfect utrunga, chahe kitna bhi waqt lage. Main wo sabar banna chahta hoon jo tumhara har darr mita de. Mujhe is safar pe tumhara... Aetbaar ✨

"Anishabad ki galiyon se, Muzaffarpur ke is safar tak,
Tere har ek lamhe ko, apni dhadkan karna chahta hoon.

Tu na bhi kahe kuch, toh bhi main sunn lunga,
Teri khamoshi ki aawaz banna chahta hoon."